Klasse
🌼 Klasse & Inligting
Dae & Tye
Ouderdomsgroep:
Kleuters vanaf 24 maande tot Graad RR (2 tot 5 jaar)
Dae:
Maandae, Woensdae en Vrydae (in die Gautengse skooltermyn)
Tye:
08:00 tot 12:30
Aflaai / Oplaai: 08:00 – 08:30 / 12:00 – 12:30
Klasse & Aktiwiteite
Ons bied kleuterklasse vir 2 tot 5 jaar. Ons klein groepies maak dat elke kind die nodige aandag kry en in ’n liefdevolle, veilige omgewing kan ontwikkel.
Ons glo dat kleuters deur speel leer. Ons dag bestaan uit ’n mengsel van vryspel en gestruktureerde aktiwiteite:
Kuns en kreatiewe uitdrukking
Legkaarte en puzzels
Klei en fyn motoriese aktiwiteite
Grootmotoriese aktiwiteite en buitespel
Musiek, ritme en bewegingsaktiwiteite
Bybellessies, liedjies en rympies
Temas gebaseer op kleure, vorms, getalle en konsepte
Elke dag het ook ’n spesiale aktiwiteit:
Maandae – Oefeninge / Bewegingsaktiwiteite: Fokus op balans, koordinasie, ritme en grootmotoriese ontwikkeling.
Woensdae – Musiekprogram: Fokus op taal, geheue, musiek, ritme en gehoor.
Vrydae – Eksperimente: Ontdekkingsaktiwiteite wat eenvoudige wetenskaplike konsepte op ’n speel-speel manier bekendstel.
Benodighede
Elke dag:
Genoeg doeke / skoon onderklere
Wet wipes
Kosblik met:
Minstens 1 vrug
’n Porsie proteïen
’n Lae-GI stysel
(Geen lekkers en vermy versoete joghurt)
Iets om te drink (verdunde vrugtesap of water)
’n Ekstra stel skoon klere
’n Trui of baadjie
Gemerkte items
Klere wat maklik aan- en uitgetrek kan word (verkieslik valcro-skoene en broeke met rekke)
Dogtertjies wat rokkies dra: kortbroek/“ski-pants” onder die rokkie
Spesiale troos-item (indien nodig)
Elke jaar:
Voltooide inskrywingsvorm
Sonhoed (met kind se naam op)
Sonbrandroom (bly in die klas tot Desember)
A4 “Flip File” met ’n onlangse foto op die voorblad
Algemene Inligting
By Speelhoekie bied ons ’n klein, veilige en liefdevolle omgewing waar elke kleuter kan floreer. Ons fokus op die volledige ontwikkeling van die kind – fisies, emosioneel, sosiaal en geestelik – binne ’n gestruktureerde, maar huislike atmosfeer.
Klein groepies, maksimum aandag:
Elke dag is daar maksimum 10 kinders in die klas. Dit stel ons in staat om elke kind se unieke behoeftes te sien, individuele aandag te gee en hulle op hul volle potensiaal te ondersteun.Huislike en rustige omgewing:
Ons klas is ontwerp om ’n gevoel van veiligheid en vertroue te bied. Met ’n gestruktureerde roetine kan kleuters weet wat om te verwag, wat hulle help om kalm, selfversekerd en gelukkig te voel.Speel en leer:
Kinders word aangemoedig om vry te speel, te ontdek, te verf, te sing, te lees en saam te werk met maatjies. Ons skep ’n balans tussen gestruktureerde aktiwiteite en kreatiewe vryspel om leerpret en ontwikkeling te maksimeer.Geen speelgoed van die huis af nie:
Om fokus en gelyke deelname te verseker, vra ons dat kinders geen speelgoed van die huis saambring nie, tensy dit spesiaal afgespreek is, soos ’n troositem vir die eerste paar dae.Ouerkommunikasie:
Deurlopende kommunikasie met ouers is vir ons baie belangrik. Ons deel kort dagverslae, foto’s van aktiwiteite en WhatsApp-berigte om ouers op hoogte te hou van hul kind se ontwikkeling en vreugdevolle ervarings.Christelike waardes:
Ons leer kleuters waardes soos liefde, respek, vriendelikheid, empatie en sagtheid. Hierdie beginsels word geïntegreer in al ons aktiwiteite, spel en interaksies.Veiligheid as prioriteit:
Veiligheid is altyd die kern van alles wat ons doen. Ons fasiliteite is kleutersvriendelik en veilig, met aandag aan elke detail om ’n beskermde en sorgsame omgewing te skep.
